مـنـتـديـات شـبـاب وبـنـات الــ ع ــراق


أهـلاً وسهلاً...لا تكن خآرج القـوس وشآرك في مـنـتـديآت شباب وبنآآت العرآق ...♥ أهــلاً وسهــلاً ♥
 
الرئيسيةاليوميةس .و .جبحـثالتسجيلدخول

شاطر | 
 

 بده العام الدراسي وبدت الهموم

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ThIs Is ReAl
عضو جيد جدا
عضو جيد جدا
avatar

انثى
ـالمشاركاُتٍ : 896
العــــ ع ــمر : 21
نــقأاطــ : 28449
التقييم : 10

مُساهمةموضوع: بده العام الدراسي وبدت الهموم   الخميس سبتمبر 13, 2012 10:24 pm




بده العام الدراسي وبدت الهموم
وبيتي عالمدارس بابه صاير

نسيت ...وداعتك جيت اشتري هدوم
الك ...ومحضر اقلام ودفاتر

مو تسمع قيام ...وليش ماتكَوم؟
ومر اسمك ولا من كَال ...حاضر

الشمس طلعت علينا...مو وكت نوم
وهم عدكم صبح يا اهل المكَابر

وهم عدكم ...ضوه ...وشباچ ...ونجوم
وهم ينطونكم واجب الباچر ؟

الوالد بالوداع يصير مهموم ..
وانا اثنينهن والد وشاعر

خيلك طشرتني وچنت ملموم ...
وصارت طيحتي بين الحوافر

اذا عشرين يوم وما شفت نوم..
شيظل بالحيل بالعشره الاواخر؟

فراش الفاتحه لو شفته ملموم ..
بنص كَلوبنا تلكَى الچوادر

يمنه المصبغه ..ودينه لهدوم
الحزنك مشترينه قماش حاضر

تمنيتك جرح ...كلساع ملچوم
وتبات الليل بشفاف الخناجر

انا يا بوي من ونيت مالوم ..
نزل مني دمع يعمي النواظر

خدودي تعودت تتندى كل يوم ..
وتحب الماي خشبات الكَناطر

لمت الروح بس شفادني اللوم.؟؟
شلحك ؟ وبسفينة الموت عابر؟؟

المنايا عالسطح وعيونها تحوم...
عليك ...ونزلتلك نسر كاسر

ستر الله نغگ بديارنا البوم...
اخذ عين الكَلاده وراح طاير

ديني حلاتك حلو الرسوم..
بلكي انعشگ ، دنيانا مظاهر

اظل كاظم وصبري وياي مكظوم...
لوما هالخشب جوه الاظافر

اهن كاسين بيهن كاس مسموم...
خاف اغلط وبالمسموم اكاسر

بعنه البيت، ريت البيت مهجوم....
وريت اكثر بعد من هالخساير

تحب انت اللعب والگبر ملموم ...
شلون تحملت وشلون صابر؟

وليش من الهوى يابوي محروم ...؟؟
ونسمات الهوى تطيب الخاطر

منهو ؟ الشوفك صورةالمعدوم...؟؟
وليش تعلكَت ياشاب يا قاصر

ما ظنيت زرعي يروح فد يوم ...
وعصافير الحزن تگضي البيادر

من اكتب قصيده تزيد الغيوم...
ومن عيني الدمع يملي الدفاتر

يبقى بهل مطر ياشعر منظوم...
نصاري الحسين وبحر وافر

قصيد للشاعر المرحوم كاظم اسماعيل كاطع في رثاء ولده حيدر


الرجوع الى أعلى الصفحة اذهب الى الأسفل
MoHaMmEd HaTeM
●»● الْأَدْارَة ●«●
●»● الْأَدْارَة ●«●
avatar

ذكر
ـالمشاركاُتٍ : 18413
العــــ ع ــمر : 27
نــقأاطــ : 84038
التقييم : 247

مُساهمةموضوع: رد: بده العام الدراسي وبدت الهموم   الجمعة سبتمبر 21, 2012 8:21 pm

اووووووووووووووووووووووف


الرجوع الى أعلى الصفحة اذهب الى الأسفل
http://alnoor.yourme.net
ThIs Is ReAl
عضو جيد جدا
عضو جيد جدا
avatar

انثى
ـالمشاركاُتٍ : 896
العــــ ع ــمر : 21
نــقأاطــ : 28449
التقييم : 10

مُساهمةموضوع: رد: بده العام الدراسي وبدت الهموم   الأحد سبتمبر 23, 2012 8:42 pm

منور عاش من شافك
الرجوع الى أعلى الصفحة اذهب الى الأسفل
Mr*hsOon
عضو مشارك
عضو مشارك
avatar

ذكر
ـالمشاركاُتٍ : 119
العــــ ع ــمر : 22
نــقأاطــ : 17087
التقييم : 2

مُساهمةموضوع: رد: بده العام الدراسي وبدت الهموم   الجمعة يوليو 19, 2013 9:46 pm


يــســلــمو على الطرح المميز


تحياتي
الرجوع الى أعلى الصفحة اذهب الى الأسفل
 
بده العام الدراسي وبدت الهموم
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مـنـتـديـات شـبـاب وبـنـات الــ ع ــراق :: ~*¤ الأقسام الادبية و الثقافية - Literary & Culture Sections ¤*~ :: ılıllılı منتدى الشعر الشعبي العراقي ılıllılı-
انتقل الى: